Боловсрол Соёл Шинжлэх Ухааны Яам

Шинжлэх Ухаан, Технологийн Үндэсний Зөвлөлийн 2010 оны 1 дүгээр сарын 21-ний өдрийн хурлыг Ерөнхий сайд С.Батболд даргалан хуралдуулж, дараах 4 асуудлыг хэлэлцэв. Үүнд: 

  байгуулах төсөл
                      
2. Монгол Улсын шинжлэх ухаан, технологийн тэргүүлэх чиглэл, цөм технологи

3. Улсын захиалгаар 2010 оноос эхлэн хэрэгжүүлэх ШУТ-ийн төслийн
     шалгаруулалтын дүн

4. Шинжлэх ухаан технологийн арга хэмжээний 2009 оны төсвийн гүйцэтгэл, 2010
     оны төсвийн хуваарилалт 

    Хэлэлцсэн асуудлуудтай холбогдуулан дараахь зөвлөмж гаргав.  Үүнд:
-    Энэтхэг улсаас авах хөнгөлөлттэй зээлийг “Мэдээллийн технологийн боловсрол, аутсорсингийн төв байгуулах” гэсэн томъёоллоор боловсруулж бүтэц зохион байгуулалт, харъяалал, байршлын асуудлыг цогцолбор байдлаар шийдэж Засгийн газрын хуралдаанд оруулахыг БСШУЯ, ҮХШ Хороо, МШХХТ-ийн газар, ШУТИС-д,
-    Монгол улсын Шинжлэх ухаан технологийн тэргүүлэх чиглэлийг хүн, эрдэс баялаг, байгаль орчин гэсэн 3 үндсэн асуудлын хүрээнд зангидаж, цөм технологиудыг багцлан боловсруулж Засгийн газрын хуралдаанд оруулахыг БСШУЯ, Ажлын хэсэгт,
-    Үндэсний зөвлөлийн гишүүдээс шүүмжлэлтэй хандсан зарим төслөөс бусад төслийг баталгаажуулж зохих журмын дагуу санхүүжүүлэх, зарим төслийг дахин хянан үзэж жагсаалтанд үлдээх эсэх асуудлыг шийдвэрлэхийг БСШУ-ны сайд Ё.Отгонбаярт тус тус даалгав.
-    2009 оны шинжлэх ухаан технологийн арга хэмжээний гүйцэтгэл, 2010 оны төсвийн зардлын хуваарилалтыг үндсэнд нь дэмжив. Шинжлэх ухаан, технологийн үйл ажиллагаанд улсын төсвөөс хуваарилж байгаа хөрөнгийн хэмжээг нэмэгдүүлэх асуудлыг инновацийн бодлого, шинжлэх ухаан, технологийн менежментийн шинэчлэлтэй холбож тавих нь  зүйтэй гэж үзэв.  ШУТ-ийн төслийн үр дүнгийн мэдээллийг олон нийт, үйлдвэрлэгчид, бизнесийн хүрээнийхэнд хүргэх ажлыг Монголын Худалдаа Аж Үйлдвэрийн Тэнхимтэй хамтран  тогтмол зохион байгуулж байхыг  БСШУЯ -д даалгалаа.