Боловсрол Соёл Шинжлэх Ухааны Яам

Боловсрол, соёл, шинжлэх ухааны яамнаас Монгол улсын “Боловсролын тухай” хуулийн 28.2 болон “Журам батлах тухай” Төрийн албаны зөвлөлийн 2003 оны 13 дугаар тогтоолоор баталсан “Төсвийн байгууллагын ерөнхий менежерийн үүрэг гүйцэтгэх дарга /захирал, эрхлэгч/-ыг  сонгон шалгаруулах журам”-ыг үндэслэн “Дорнод” дээд сургуулийн захирлын ажлын байрны албан тушаалд өрсөлдөх ажилтны сонгон шалгаруулалтыг зарлаж байна.

Сонгон шалгаруулалтад орох иргэн нь Төрийн албаны тухай хуулийн 10.1, Төсвийн байгууллагын удирдлага, санхүүжилтийн тухай хуулийн 5.1.3-д заасан ерөнхий шаардлага  болон томилох эрх бүхий этгээдийн баталсан ажлын байранд тавигдах дараахь шаардлагыг  хангасан байна:

 Ажлын байранд тавигдах шаардлага

Ерөнхий шаардлага	Үзүүлэлт	Чухал шаардлагатай	Шаардлагатай
	Боловсрол	Магистраас дээш зэргийн дээд боловсролтой	Доктор
	Мэргэжил	Багш, хүний нөөцийн удирдлага, хүмүүнлэгийн ухааны мэргэжилтэй	Багш, хүний нөөцийн удирдлага, хүмүүнлэгийн ухаан, эдийн засаг, бизнесийн удирдлагын  мэргэжилтэй
	Мэргэшил	Төрийн захиргааны болон боловсролын удирдлага, сурган хүмүүжүүлэх ухаанаар мэрэгшсэн	Төрийн албаны болон төсвийн байгууллагын удирдлага, санхүүжилтийн талаар мэдлэгтэй байх
	Туршлага	Дээд боловсролын байгууллагад 5-аас доошгүй жил ажилласан буюу удирдах албан тушаалд 3-аас доошгүй жил ажилласан	Төрийн албаны ажлын дадлага туршлагатай байх
	Ур чадвар	Хамт олныг удирдан зохион байгуулах,багаар ажиллах мэдлэг чадвартай байх Компьютерийн хэрэглээний программд ажилладаг байх	Нэгээс доошгүй гадаад хэлний мэдлэг/унших, бичих, хөрвүүлэх, ярих/-тэй,  Интернет сүлжээ чөлөөтэй ашиглах чадвартай
Тусгай шаардлага		Төрийн албан хаагчийн ёс зүйн хэм, хэмжээг сахин ажилладаг байх  Албан хэргийн нууц хадгалалт	Хариуцлага хүлээх чадвартай, нарийн төвөгтэй асуудлыг шуурхай, оновчтой зөв шийдвэрлэх чадвартай байх

Сонгон шалгаруулалтад орох иргэний баримт бичгийг Боловсрол, соёл, шинжлэх ухааны яамны Төрийн албаны салбар зөвлөлөөс томилсон Сонгон шалгаруулах комисс Засгийн газрын III дугаар байрны 404 тоот өрөөнд 2010 оны 2 дугаар сарын 22-ны өдрийн 18.00 цаг хүртэл хүлээн авч бүртгэнэ.
Сонгон шалгаруулалтад орох иргэн бүртгүүлэхдээ дор дурдсан баримт бичгийг бүрдүүлэн, битүүжилж өөрийн биеэр авч ирнэ:

1.    “Дорнод” дээд сургуулийг хөгжүүлэх  хөтөлбөр /5 хуудсанд багтааж бичнэ/
2.    Биеийн байцаалт (Төрийн албан хаагчийн биеийн байцаалтын маягт 1-ийн дагуу);
3.    Боловсролын болон эрдмийн зэрэг, цолны диплом, үнэмлэхийн нотариатаар баталгаажуулсан хуулбар
4.    Монгол Улсын иргэний үнэмлэхний нотариатаар гэрчлүүлсэн хуулбар;
5.    Ажил байдлын тодорхойлолт;       
6.    Төрийн албаны тухай хуулийн 16.2.1-д заасан асуудлаар эрх бүхий байгууллагын тодорхойлолт;
7.    Шалгаруулалтад оролцох хүний мэргэжлийн болон удирдах ажил эрхлэх ур чадварын талаарх 2 хүний битүүмжилсэн тодорхойлолт
8.    Гэмт хэргийн холбогдолгүй тухай цагдаагийн байгууллагын тодорхойлолт;
9.    4х6-ийн хэмжээтэй 2 хувь зураг.

    Сонгон шалгаруулалтыг Төрийн албаны зөвлөлийн 2003 оны 13 дугаар тогтоолоор баталсан “Төсвийн байгууллагын ерөнхий менежерийн үүрэг гүцэтгэх дарга /захирал, эрхлэгч/ыг сонгон шалгаруулах журам”-ын дагуу явуулна.