БСШУЯ-ны Барилга захиалагчийн ажлын алба

Барилга захиалагчийн ажлын алба нь улсын төсөв, төсөл хэрэгжүүлэгч байгууллага, хандивын санхүүжилтээр боловсрол, соёл, шинжлэх ухааны салбарын хүрээний барих, өргөтгөх, засварлах барилга байгууламжийн газрын захирамж, хөрсний шинжилгээ, техникийн нөхцөлүүдийг холбогдох байгууллагуудаар гаргуулж төслийн өмнөх шатны судалгаа тооцооны ажлыг гүйцэтгүүлэн зургийн даалгаврыг боловсруулж зураг төсөл хийлгэх, инженерийн хийцтэй барилга байгууламж шинээр барих, өргөтгөх, засварлах зэрэг ажилд ерөнхий захиалагчийг төлөөлөн зохих хууль, журмын дагуу бүрдүүлж эхлүүлэх, ажлын явц, чанар, технологи болон хувиарлагдсан хөрөнгийн зарцуулалтад захиалагчийн хяналтыг хийх хяналт тавьж, гүйцэтгэлийг хангуулах, баталгаажуулах, барилгыг тогтоосон хугацаанд нь ашиглалтад оруулах хүрээний үйл ажиллагааг хэрэгжүүлнэ.  

 Алба нь дараах бүтэцтэй байх бөгөөд жил бүр салбарын сайдтай бүтээгдэхүүн нийлүүлэх гэрээ байгуулан өөрийн албаны орон тоо, цалингийн фонтыг батлуулан мөрдөж ажилладаг.

Боловсрол, соёл, шинжлэх ухааны салбарт хөрөнгө оруулалт тасралтгүй өсч 2010 онд Улсын төсвийн хөрөнгө оруулалт 75 478,2 сая төгрөг батлагдсан ба үүнд 54 856,2 сая төгрөгөөр шинэ эхлэх болон шилжих 152 барилга угсралын ажил, их засварт 10 428,7 сая төгрөг, Азийн хөгжлийн банкны БХХ-3 төслөөр 1 323,5 сая төгрөг, Азийн хөгжлийн банкны “Боловсролын шинэчилэлт төсөл”-ийн хүрээнд 600 сая төгрөгөөр нийт 201 их засварын ажлыг гүйцэтгэсэн. Өмнөх оны мөн үеийнтэй харьцуулахад 68 барилга ашиглалтанд орж сургуулийн суудал 4668, Цэцэрлэгийн хүүхдийн ор 2460, дотуур байрны орны тоо 1045, соёлын төвийн суудал 2890 -ээр тус тус нэмэгдлээ.